你快樂嗎？

I’m too young to be / Taken seriously

But I’m too old to believe / All these hypocrisy

<Runaway> Pink

還是第一年、第一次多麼的不想長大。

生日快樂－－生日要快樂，新年要快樂，復活節要快樂，聖誕節要快樂，情人節要快樂，為何甚麼都要快快樂樂。健康不重要嗎？財富不寶貴嗎？可不可以嘗試換成新年健康、復活節健康、聖誕節發財、情人節發財？還記得，<<惡童日記>>內說過，字詞會因為不斷又不斷的重覆而逐漸失去它原有的意義。快樂快樂快快樂樂，收到來自四方的快樂祝福時，令我不禁地想－－到底何謂快樂，莫非「生日」就只能配「快樂」，或是我於人前表露得太缺乏快樂元素？

這陣子不斷被成年人批評我幼稚、低能、不思己過、需要哄……難怪，數一數手指，二十二歲了。Gerontology學過，凡社會皆是age-graded。犯了錯，十八歲的可以側側膊扮無知笑一笑便卸過，然後別人會哭笑不得的原諒你的天真；二十二歲，無論犯任何的錯都不過是無知的表現，我不懂人情世故我不懂相處之道我不懂控制情緒我不懂在對的時候做對的事我不懂體諒別人我不懂喜怒不形於色。

其實我知，不過我不想受教。就正如很多事情我明知結果是錯偏仍然去做，因為我一廂情願地想那不會是唯一的結果。可笑的是，事實是我未曾動動腦筋，去思考那些「其他結果」只是我貪一時安逸的怠惰表現。

生日前後，媽媽問我想不想到這吃飯要不要出外晚餐，表面上是要應付考試而說不，實際上是簡簡單單在家吃頓便飯我也無所謂。昨天晚上，姊姊買來一個蛋糕，天志在唱生日歌的同時，家中電視正轉播著四川地震的災情。

À l’intérieur, 2007

唔想溫書，又唔想無所事事，寫吓電影最好。

首先，我得承認<<夜半女敲門>>（À l’intérieur/Inside）是自兩年前三池崇史的<<鬼伎回憶錄>>後，於電影節中「有幸」看到最嘔心最核突的電影。我雖嗜血，卻不等於我本人的接受程度和膽子能成正比，我喜歡的正正就是那種看驚慄片時那種毛骨聳然和如坐針氈的感覺，享受著那腎上腺素不斷急升的狀態。

好，話說當晚因工作關係遲了十五分鐘進場，不過沒關係，戲肉才剛剛開始。故事無甚麼特別可言，說一個大肚女人在一樁車禍後失去了丈夫，獨個回家後被一個變態女人不知何故地上門尋仇，整齣戲就在一個晚上一間兩層高的房子中進行，中途有大肚女人的親人、朋友，甚至警察到訪，不過一一都成了冤魂。

總括而言，電影含有兩大特性－－千萬不要得罪女人，尤其下定決心要達成目標的女人；還有尖器的運用。戲中所運用的刑具（何止是兇器般簡單）不單止斷髮般鋒利，更要命的是夠尖。試想像被一枝又尖又長又細的鋼物刺中，先是冷冰冰的碰著閣下的皮膚，然後輕輕地由毛孔鑽入，穿過當中的血脈和肌肉，狠心一插再將利器大力一抽出來，甚麼眼珠呀腦袋呀腸子呀都嘩啦啦的從破口湧出體外……oush，還是不要想像比較好。

電影的確沒留情地玩得痛快淋漓，還要額外加上大量重低音，猶如聽著自己的心跳聲不斷加速，最後一幕更是絕望得徹底，我未看過Peter Jackson的經典名作<<群屍玩過界>>，但相信我已做好心理準備了。

講真，多得這兩張劇照，令我的入場慾望大增同時又淆底怕嚇死自己。

Fundamental Attribution Error

仲有最後一科考試，又完咗一年大學生涯。呢兩年學既野好廣，未必樣樣記得，但講到最實際最深刻印象一定係fundamental attribution error。就係因為佢，我明白到人真係好蠢，又自以為事，以為自己咩都啱，錯既一定係人地……

點解，我都好想知點解。點解讀完個心理學學士學位之後會睇穿個你個腦咩，點解讀親心理學既硬係會有少少唔正常，點解你犯既錯會報應喺我身上，點解我發夢都夢見你鬧我，點解唔係我錯先唔係我錯晒但最後個個都同我講要同你認錯因為要俾面你，點解我唔可以用啲impulsive既方法去解決問題正如書都有講既easy又simple，點解我嬲唔可以發人脾氣之餘仲要顧你班契弟感受我淨係知我唔發啲脾氣出嚟就會嬲到爆炸，咁又知唔知過去呢個星期我根本完全冇心機溫書只要一靜落嚟或者合埋對眼我就諗起上個星期所受過既屈辱仲要擔心點樣先唔會令到大家既關係惡化落去，我屌。

呢堆問題之中，我諗我可以大約解釋到其中一條－－點解啲人硬覺得讀心理學既會係唔太正常。因為，正常既人覺得一切正常，世界太平，一切喺掌握之中，冇錯漏，冇問題，佢地唔會太得閒諗啲正常以外既野，人弱智就一定係天生，有人拎枝槍走去啲學校度亂槍掃射就一定係精神有問題……

之但係，有時我都覺得研究人心理既人過份clinical或者analytical－－大佬，點解可以咁冷靜咁客觀去分析一啲涉及咁多主觀情緒既野？呀唔係，上兩個月睇過一篇juornal，入面講到心理學家係咁多種行業之中患有disorder最高比率。難怪，最近係咁讀到一啲有關crime既野，令我不斷諗起<<Seven>>入面既Brad Pitt同埋<<Zodiac>>入面既Jake Gyllenhaal係點樣obsess with一啲罪案。然後發現，extraversion、neuroticism、impulsivity、narcissism同type A personality我樣樣都有啲喎！

我就快癲。